آخر محادثة مؤثرة بين أبرون وأبرهون: الله يشافيك ويعافيك وقلبي معاك مدوزناش القليل

محادثة مؤثرة دارت بين الراحل محمد أبرهون والحاج أبرون الرئيس السابق لنادي المغرب التطواني، حرص من خلالها هذا الأخير  اللاطمئنان على صحة الراحل ومعرفة أحواله. رسائل صوتية تبادلها كل من الحاج أبرون والراحل محمد أبرهون من خلال تطبيق “واتساب”، تبادلا أطراف الحديث، والسؤال عن الأحوال الصحية لكليهما، مذكرين بعضهم بروابط الصداقة والاحترام والأخوة التي تجمعهما. وكان الحديث بين الراحل أبرهون والحاج أبرون كالآتي: الحاج أبرون: السلام عليكم محمد أبرهون، الله يشفيك ويعافيك، ويحفظ لك وليداتك والزوجة ديالك معك الحاج عبد المالك أبرون الرئيس السابق للمغرب التطواني، وأنا قلبي معاك، وكندعي ياربي تشافيك ويعفيك ويفرج عليك عما قريب ياربي، ويخلي ليك وليداتك، وها الرقم دياليعندك لاحتاجتيني مرحبا، وقلبي معاك، ومدوزناش القليل، والله يخلي ليك الزوج ديالك والأهل  والإخوة، وراني توحشتك. محمد أبرهون: السلام عليكم الحاج كيف نتينا مزيان، نهار كبير هذا فاش سمعنا الصوت ديالك، والله إيلا فرحت فاش سمعت الميساج ديالك، الحمد الله  الحاج، احنا في رحمة الله، وراضيين بقضاء الله وقدره، والمومن مصاب الحمد الله، كفما عطانا حاجات مزيانين وفرحنا بهم، الحمد الله احنا صابرين الابتلاء ديال الله سبحانه، الله يرحم والدين الحاج، وراك بحال الأب ديالك دوزنا أوقات زوينة. الحاج عبد المالك أبرون: سي محمد كيف نتينا الحبيب ديالي لباس كيف بقيتي بيخير، انشاء الله ياربي تشافيك، إنشاء الله يكون خير ياربي تشافيك، ويعافيك، وخلي ليك وليداتك، ويخلي ليك كل من هو عزيز عليك، هاذي أربع أيام وأنا كنفيق بالليل وكنتفكرك، الله يحفضكالله يردك لينا سالم وغانم، راه اليوم أتوصلك هذك الأمانة اللي طلبنا من الجامعة وناس آخرين. محمد أبرهون: الحاج صباح الخير لباس عليك نتمنى تكون بيخير، شكرا لك بزاف الحاج، على هادشي اللي عملتي معايا والله يرحم لك الوالدين شكرا بزاف، والدعوات ديالك الحاج، هي أكثر حاجة خاصنا متبخلش علينا فيها راك بحال الواليد، الله يوقفك ياربي، ويجيب ليك التسير. تجدر الإشارة إلى أن محمد أبرهون توفي يوم صباح يوم أمس عن عمر الـ31 عاما،  بعد صراع طويل مع مرض السرطان الذي اجبره عن الابتعاد عن الساحة الكروية قرابة العام تقريبا، كما حرصت الجامعة الملكية لكرة القدم على التكفل بمصاريف ترحيل جثمان الراحل من تركيا إلى المغرب، حيث تم الدفن زوال اليوم بمدينة مسقط رأسه تطوان. آخر محادثة مؤثرة بين أبرون وأبرهون: الله يشافيك ويعافيك وقلبي معاك مدوزناش القليل آخر محادثة مؤثرة بين أبرون وأبرهون: الله يشافيك ويعافيك وقلبي معاك مدوزناش القليل Maroc News | .